اليومين دول عندى احتفال كبير....
حفلة مستمرة جوايا
والمناسبة ....انى بقيت مهندسة
وطلعت النتيجة ونجحت ... بس وبعدين
على فكرة مش دى المناسبة .... المناسبة انى حاسة باحساس جديد اول مرة احس بيه
حاسة انى واقفة وسط فراغ اسود كبيررررررر
ببص فى كل الاتجاهات بلاقى السواد
حتى ايدى مش شايفاها
سواد خانقنى وخانق روحى وقلبى وعقلى
سواد مثبتنى فى الارض وحتى لو اتحركت هروح فين ما انا هروح لسواد برضة
المشكلة مش فى السواد
المشكلة فى الامل.....
الامل اللى لسه جوايا اخر شمعة ليه ... هيا هتنطفى زى كل الشمع اللى داب جوايا
بس هتعذبنى لحد ما تنطفى
ومش عارفة بعد ما تنطفى هيقبى ايه شكل الالم الجديد....
الامل هو ان يظهر نور جديد من مكان ينورلى اى سكة
معرفش بحس ان التشبيه دة فيه ادانة ليا ... لانه معناه انى عاجزة وما بسعاش لاى حل ومستنياه يجيلى
بس هيا دى انا
ما علينا ... كفاية كدة بس هيا كانت لوحة ونفسى ارسمها ....
هناك تعليق واحد:
تقريبا بينى وبين النوع دة مالاحساس عداوة
احسان ان خلاص مفيش امل والنيا سودة
بس منكرش انى وقعت فية كتير
عارفة يا هندسة اللوحة زى ما بتقولى انتى اللى رسمتيها
ممكن تصحى فى يوم وتفتحى شباكك وتبداى فى رسم لوحة جديدة مليانة الوان
وتقررى تعيشيها ولو جة الليل ومسح مل الوان اللوحة
ارسميها تانى
اعتقد مع الاستمرار فى الوصفة الطبية دى
هاتلاقى الليل هايزهق وهايبطل يمسح الالوان
إرسال تعليق